ՆԱԶԱՐԵԹ | ՆԱԽԱԽՆԱՄՈՒԹՅՈՒՆ | ՆԱԽԱՍԱՀՄԱՆՈՒԹՅՈՒՆ | ՆԱՀԱՏԱԿՈՒԹՅՈՒՆ | ՆԱՎԱԿԱՏԻՔ | ՆԱՎՈՒՄ ՄԱՐԳԱՐԵ (մ. թ. ա. VII դ. երկրորդ կես) | ՆԱՐԵԿԱՎԱՆՔ | Ս. ՆԵՂՈՍ ՍԻՆԱՅԵՑԻ (+450) | ՆԵՍՏՈՐԱԿԱՆՈՒԹՅՈՒՆ | Ս. ՆԵՐՍԵՍ ԼԱՄԲՐՈՆԱՑԻ (1153-1198) | Ս. ՆԵՐՍԵՍ ՄԵԾ (մոտ 329-373) | Ս. ՆԵՐՍԵՍ ՇՆՈՐՀԱԼԻ (1102-1173) | Ս. ՆԻԿՈՂԱՅՈՍ ՍՔԱՆՉԵԼԱԳՈՐԾ (+IV դ.) | ՆՇԽԱՐ | ՆՈՅ ՆԱԽԱՀԱՅՐ | ՆՈՐ ԿԻՐԱԿԻ | ՆՈՐ ՎԱՐԱԳԱՎԱՆՔ | ՆՈՐԱՎԱՆՔ | Ս. ՆՈՒՆԵ ԵՎ Ս. ՄԱՆԵ ԿՈՒՅՍԵՐ (IV դ.)

---

id373Գտնվում է Վայոց ձորի մարզի Արենի գյուղի մոտ՝ Արփա գետի վտակի ափին, խոր ձորի լանջին: Վանքի հնագույն՝ Ս. Կարապետ միանավ, արտաքին սրահով եկեղեցին կառուցվել է IX դ.: Հյուսիսից նրան կից է Ս. Ստեփանոս Նախավկա գմբեթավոր եկեղեցին, որը կառուցել են իշխան Լիպարիտ Օրբելյանը և Սարգիս արքեպիսկոպոսը 1216-1221 թթ.: Ս. Ստեփանոս Նախավկա եկեղեցուն հյուսիսից կից է Ս. Գրիգոր թաղածածկ եկեղեցի-տապանատունը, որը կառուցել է Տարսայիճ Օրբելյանը 1275 թ. (ճարտարապետ՝ Սիրանես), իսկ արևմուտքից նրան կից է կենտրոնակազմ գավիթը (1261 թ.), որը ծառայել է որպես Օրբելյան իշխանների տապանատուն:

Համալիրի արևելյան կողմում առանձին կանգնած է Ս. Աստվածածին երկհարկ, եռաստիճան եկեղեցի-զանգակատունը՝ կառուցված Բուրթել իշխանի կողմից 1339 թ. (ճարտարապետ՝ Մոմիկ):

Նորավանքի ճարտարապետական գրավչությունը լրացնում են բարձրարվեստ զարդաքանդակներն ու պատկերաքանդակները, որոնցով հագեցած են շքամուտքերն ու սյուները, խորաններն ու կամարակապերը: Քանդակագործության բացառիկ նմուշներ են եկեղեցիների և գավթի ճակատները պսակող պատկերաքանդակները, որոնք առնչվում են Սյունիքի մանրանկարչական արվեստին: