id099Այսպես էր կոչվում Երուսաղեմի պարիսպներից դուրս՝ Ձիթենյաց լեռան լանջին գտնվող այն գյուղը, որտեղ մի պարտեզի ձիթենիների ստվերում Քրիստոս հաճախ առանձնանում էր Իր աշակերտների հետ: Խորհրդավոր ընթրիքից հետո էլ Հիսուսը նրանց հետ Գեթսեմանիի այդ պարտեզը եկավ աղոթելու, ուր շուտով հայտնվեց Հուդան քահանայապետի զինված ծառաների ուղեկցությամբ և համբույրով մատնեց իր Ուսուցչին:
Առ այսօր այստեղ աճում են դարավոր ձիթենիներ, որոնց ճյուղերն իբրև սրբազան մասունք շատ ուխտավորներ տանում են իրենց հետ: