id104Հիսուս Քրիստոսի գերեզմանը կամ այն քարայրը, ուր Նրա աճյունն ամփոփեց Հովսեփ Արիմաթացին, և որտեղ Նա երրորդ օրը հարություն առավ, այժմ Երուսաղեմի Ս. Հարության տաճարի կենտրոնական մատուռն է: Ներկայումս այն լիովին քանդակազարդ է, իսկ մուտքի մոտ կախված են բազմաթիվ կանթեղներ:
Այստեղ ամեն օր տարբեր Եկեղեցիներ պատարագ են մատուցում՝ անդադար պանծացնելով Տիրոջ հարության հիշատակը: Չի դադարում բազմահազար ուխտավորների հոսքը, որոնք աշխարհի բոլոր ծագերից գալիս են՝ երկրպագելու Հիսուսին այստեղ, ուր Նա Իր հրաշափառ հարությամբ մարդկային բնությունը ազատեց մահից՝ նշանավորելով սկիզբը համընդհանուր հարության: