ՄԻՔԻԱ ՄԱՐԳԱՐԵ (մ. թ. ա. VIII դ. կես)
id556Միքիան ժամանակակիցն էր
Ամոսի,
Օսեեի և
Եսայու: Ապրել և
մարգարեացել է Հուդայի երկրում Հովաթամ, Աքազ և Եզեկիա թագավորների օրոք: Նրա միջոցով
Աստված կանխահայտնում է գալիք պատուհասների մասին՝ նշելով Իր բարկության հիմնական պատճառները՝
Իսրայելի կռապաշտությունը, ժողովրդի առաջնորդների ագահությունն ու անողորմությունը, համատարած այլասերումն ու խարդախությունը: Սակայն
մարգարեի գիրքը, Տիրոջ դատաստաններից բացի, պարունակում է նաև լուսավոր պատկերներ գալիք նորոգության մասին, երբ
Իսրայելի փառքը հայտնվելու է աշխարհին: Միքիան
մարգարեանում է
Փրկչի գալստյան և Նրա ծննդավայրի՝
Բեթղեհեմի մասին [
Միք. 5.2]՝ նշելով, որ «Նրա հզորությունը պիտի տարածվի մինչև երկրի ծագերը» [
Միք. 5.4]:
Ըստ ավանդության՝ Միքիան
նահատակվել է իր խստասիրտ հայրենակիցների կողմից: Նրա և
Ամբակում մարգարեի նշխարները դարեր անց,
Թեոդոսիոս Մեծ կայսեր օրոք (306-337), հայտնաբերել է մի
եպիսկոպոս իրեն տրված
տեսիլքի միջոցով:
