Ս. ՊՈՂԻՔՏՈՍ ՄԵԼԻՏԻՆԱՑԻ (+259)
id532Պողիքտոսը հայոց Մելիտինե (Մալաթիա) քաղաքի ազնվականներից էր, բարձրաստիճան պաշտոնյա՝ ամուսնացած քաղաքի կառավարիչ Ֆելոքսի աղջկա հետ: Նրա մտերիմ ընկերն էր Նեարխոն անունով մեկ այլ պաշտոնյա, որը
քրիստոնյա էր: Երբ Դեկիոս կայսեր (249-251) հրովարտակը, որը խստիվ արգելում էր քրստոնեությունը, հասնում է Մելիտինե, Նեարխոնը թախծալից հրաժեշտ է տալիս ընկերոջը՝ ենթադրելով, որ շուտով
կնահատակվի: Իսկ Պողիքտոսը, որ այդ գիշեր հայտնություն էր ստացել, նախանձախնդրությամբ լցված, բոլորի աչքի առաջ պատռում է կայսեր հրովարտակը և ցասումով ջարդում
երկրպագության համար հրապարակ բերվող կուռքը: Ֆելոքսը, շփոթված իր դստեր ամուսնու անսպասելի արարքից, սկզբից հորդորում է նրան անմիջապես ետ կանգնել իր խոսքերից, բայց տեսնելով Պողիքտոսի անկոտրում կամքը՝ մահապատժի վճիռ է արձակում: Պողիքտոսին չեն կարողանում ետ կանգնեցնել նաև իր կնոջ և զավակների աղաչանքները, քանի որ նա, տակավին
մկրտված չլինելով, արժանացել էր երկնային
շնորհի և նախաճաշակել հավիտենական կյանքի երանավետ
փառքը: Այսպես, բոլորի համար անսպասելի կերպով,
մկրտվելով սեփական արյամբ, նա դառնում է Մելիտինեի առաջին
մարտիրոսը:
Հետագայում Մելիտինեում ս. Պողիքտոսի անվամբ կառուցվում է մեծ եկեղեցի, որը երկար ժամանակ հռչակված ուխտատեղի էր բարեպաշտ
քրիստոնյաների համար:
