|
ՓՈՐՈՒՐԱՐ Քահանայական ուրարն է, որի ձևն առաջացել է ձեռնադրության արարողությունից: Ձեռնադրող եպիսկոպոսը սարկավագի ձախ ուսից կախված ուրարը նաև աջին է գցում այնպես, որ նրա երկու ծայրերը կախվեն առջևից: 1716 թ., Քանաքեռ: Ս. Էջմիածնի գանձատուն Սա խորհրդանշում է քահանայության լուծը ամբողջովին սեփական պարանոցին կրելը, ինչպես նաև ստացած շնորհի առավելությունը: Այս պատճառով պատարագի զգեստավորման ժամանակ փորուրարը հագնելիս քահանան ասում է. «Հագցրո՛ւ, Տե՛ր, իմ պարանոցին Քո արդարությունը»: |
