|
ՓԱՌԱԲԱՆՈՒԹՅՈՒՆ Աստծուն փառաբանելը, այսինքն՝ խոսքի կամ երգի միջոցով Նրան փառք տալը, աստվածպաշտության կարևորագույն կողմերից է: Եկեղեցական արարողություններում այն շատ մեծ տեղ է գրավում: Աստծո փառաբանությունը հաճախ ուղեկցվում է Նրա կատարելության գովերգմամբ, երախտիքների հիշատակումով և Քրիստոսի փրկագործության խորհրդի արծարծմամբ:Թե՛ ծեսի ընթացքում, թե՛ առանձնական աղոթքի պահին փառաբանելով Աստծուն՝ մեր սրտում հաստատվում է Աստծո փառքը, և հոգին լցվում է շնորհի լույսով: |
