id423Իսրայելի կրոնաքաղաքական խմբակցություններից էր՝ բաղկացած գլխավորապես քահանաներից: Հիմնվել է մ. թ. ա. II դ.:
Սադուկեցիները անկախ պետականության կողմնակից էին, թեև դեմ չէին կառավարվել հռոմեացիների կողմից: Նրանք Սուրբ Գրքից ընդունում էին միայն Մովսես մարգարեի Հնգամատյանը: Չէին ընդունում բանավոր ավանդությունները: Ժխտում էին համընդհանուր հարության, հոգու անմահության և հանդերձյալ կյանքի ուսմունքը, ինչպես նաև հրեշտակների գոյությունը:
Սադուկեցիները շատ հարցերում հակադրվում էին փարիսեցիներին, ծաղրում նրանց բծախնդրությունն ու ծիսակատարությունները: Սակայն նրանք միավորվեցին, որպեսզի Քրիստոսին դատապարտեն խաչի մահվան: Սադուկեցիները գործուն մասնակցություն ունեցան նաև առաքյալների դեմ սանձազերծված հալածանքներում:
