|
Ս. ՄԱԿԱՐ ՄԵԾ (301-391) | ՄԱԿԱՐԱՎԱՆՔ | ՄԱՀ | ՄԱՂԱՔԻԱ ՄԱՐԳԱՐԵ (մ. թ. ա. V դ. առաջին կես) | ՄԱՂԶՄԱ | ՄԱՂԹԱՆՔ | ՄԱՆԱՆԱ | ՄԱՆՐԱՆԿԱՐՉՈՒԹՅՈՒՆ | ՄԱՇՏՈՑ | ՄԱՍ | ՄԱՍՆԱՏՈՒՓ | ՄԱՍՏԱՐԱՅԻ Ս. ՀՈՎՀԱՆՆԵՍ ԵԿԵՂԵՑԻ | ՄԱՍՈՒՆՔ ԵՎ ՄԱՍՈՒՆՔԻ ՊԱՀԱՐԱՆ | ՄԱՏԱՂ | ՄԱՐԳԱՐԵ | ՄԱՐԳԱՐԵՈՒԹՅՈՒՆ | ՄԱՐԴԵՂՈՒԹՅՈՒՆ | Ս. ՄԱՐԻԱՄ ԱՍՏՎԱԾԱԾԻՆ | Ս. ՄԱՐԻԱՄ ՄԱԳԴԱՂԵՆԱՑԻ | Ս. ՄԱՐԿՈՍ ԵՊԻՍԿՈՊՈՍ (+362) | ՄԱՐՄԱՇԵՆԻ ՎԱՆՔ | ՄԱՐՏԻՐՈՍ | ՄԵԼՔԻՍԵԴԵԿ | ՄԵԾ ՊԱՀՔ | ՄԵԾ ՊԱՀՔԻ ԿԻՐԱԿԻՆԵՐ | ՄԵՂՔ | ՄԵՌԵԼՈՑ | ՄԵՌՈՆ | ՄԵՍԻԱ | Ս. ՄԵՍՐՈՊ ՄԱՇՏՈՑ (մոտ 362-440) | ՄԻՋԻՆՔ | ՄԻՔԱՅԵԼ ՀՐԵՇՏԱԿԱՊԵՏ | ՄԻՔԻԱ ՄԱՐԳԱՐԵ (մ. թ. ա. VIII դ. կես) | ՄԽԻԹԱՐ ԳՈՇ (1120-ական - 1213) | ՄԿՐՏՈՒԹՅԱՆ ԱՎԱԶԱՆ | ՄԿՐՏՈՒԹՅՈՒՆ | ՄՈՄ | Ս. ՄՈՎԿԻՄՈՍ ՔԱՀԱՆԱ (+303) | Ս. ՄՈՎՍԵՍ ԽՈՐԵՆԱՑԻ (մոտ 410 - V դ. վերջ) | ՄՈՎՍԵՍ ՄԱՐԳԱՐԵ | ՄՈՒՂՆՈՒ Ս. ԳԵՎՈՐԳ ՎԱՆՔ ՄԵԼՔԻՍԵԴԵԿ Թարգմանվում է «թագավոր արդարության», «թագավոր Սաղեմի՝ խաղաղության»: Ըստ Սուրբ Գրքի՝ Մելքիսեդեկը բարձրյալ Աստծո քահանան էր, որ ընդառաջ ելավ Աբրահամին, երբ վերջինս վերադառնում էր ճակատամարտից, և օրհնեց նրան: Իսկ Աբրահամը իր գրաված ավարից տասանորդ տվեց Մելքիսեդեկին [տե՛ս Ծն. 14.18-20]:Մելքիսեդեկի ծագման և վախճանի մասին ոչինչ չի ասված: Նա անհայր ու անմայր էր, առանց ազգատոհմի, ո՛չ օրերի սկիզբ ուներ և ո՛չ կյանքի վախճան. այսպես է նրան ներկայացնում Աստվածաշունչ Մատյանը [տե՛ս Եբր. 7.1-3]:  Երևան, ձեռ. 7361, էջ 38ա, Հայսմավուրք, XV դ., Տաթև Այս առեղծվածային այրը, որն անվերապահորեն առավել էր, քան Աբրահամը (քանզի նվաստն է բարձրից օրհնություն ստանում և նրան տասանորդ տալիս), որ առաջին քահանայապետից՝ Ահարոնից շուրջ 600 տարի առաջ բարձրյալ Աստծո քահանան էր, նախօրինակն է Քրիստոսի: Դավիթ թագավորն իր մարգարեական սաղմոսներից մեկում, դիմելով գալիք Մեսիային, ասում է. «Դու հավիտյան Քահանա ես՝ ըստ Մելքիսեդեկի կարգի» [Սաղմ. 109.4]: Քրիստոս պիտի գար՝ հաստատելու Իր քահանայությունը, որը պետք է լիներ ոչ թե ըստ Ահարոնի կարգի՝ ըստ հին օրենքի, այլ՝ ըստ Մելքիսեդեկի կարգի. այսինքն՝ անսկիզբ և անվախճան, ոչ թե ըստ ժառանգության, այլ ըստ հավիտենական կյանքի զորության, որ երաշխավորում է Իր միջոցով Աստծուն մերձեցողների փրկությունը: Քանզի ինչպես որ «Մելքիսեդեկ» նշանակում է արդարության թագավոր, այդպես էլ Հիսուս Քրիստոս Իր արդարությամբ մեզ արդարացրեց ու փրկեց՝ հաստատելով մեր մեջ Իր հավիտենական թագավորությունը: Եվ ինչպես որ Մելքիսեդեկ նշանակում է խաղաղության թագավոր, այդպես էլ Քրիստոս խաղաղություն հաստատեց երկնքի ու երկրի միջև՝ Աստծուն հաշտեցնելով մարդկանց հետ: Մելքիսեդեկը հաց ու գինի մատուցեց Աբրահամին՝ ընդառաջ գնալով նրան: Այսպես և մեր Տերը, ընդառաջ գալով մեր տկարությանը, Իր սուրբ մարմինն ու արյունը հացով և գինով տվեց մեզ՝ Աբրահամի զավակներիս հավիտենական կյանք պարգևելու համար: Մելքիսեդեկը անհայր ու անմայր կոչվեց: Այդպես էլ Քրիստոս անմայր է Իր աստվածային, հավիտենական ծննդյամբ Հորից, և անհայր՝ Իր մարդկային, ժամանակավոր ծննդով սուրբ Կույսից. ճշմարիտ Աստված և ճշմարիտ մարդ: Քանզի միայն այսպիսին կարող էր իսկական միջնորդ և հաշտարար լինել Աստծո և մարդկանց միջև: |
