|
ՃԱՇՈՑ Հայ Եկեղեցու ծիսական ժողովածուներից է: Նախկինում պարունակել է հիմնականում ճաշու ժամին (տե՛ս Ժամերգություն) ընթերցվելիք նյութերը, որոնք նախապես դասավորված են եղել Տերունական տոների կարգով: Բովանդակել է ընթերցվածքներ Հին և Նոր Կտակարաններից, շարականներ, աղոթքներ: Գրիգոր Վկայասեր կաթողիկոսից սկսած՝ Ճաշոցը վերաձևվել է ըստ տոների օրացուցային կարգի և լրացվել եկեղեցական տոներով: Նրա օրացույցային դասավորությունն արվել է ըստ նորաստեղծ սարկավագադիր կարգի (տե՛ս Օրացույց): Հետագայում սրանց զարգացումը հանգեցրել է ծիսական նոր ժողովածուների՝ Հայսմավուրքների ստեղծմանը: |
