ԳԱՆՁԱՍԱՐԻ ՎԱՆՔ
id097Գտնվում է ԼՂՀ Մարտակերտի շրջանի Վանք գյուղից արևմուտք՝ լեռան գագաթին: Հիշատակվում է X դարից: Եղել է Խաչենի իշխանների տոհմական տապանատունը:
Վանքի Ս. Հովհաննես Մկրտիչ
եկեղեցին կառուցել է իշխան Հասան Ջալալ Դոլան 1216-1238 թթ.: Այն ներքուստ խաչաձև է՝ 4 անկյուններում երկհարկ
ավանդատներով, արտաքուստ՝ ուղղանկյուն: Արևմտյան ճակատին կից է գավիթը (1266 թ.): Բացառիկ է
եկեղեցու գմբեթի թմբուկը, որն ունի Հին և Նոր Կտակարանների թեմաներով պատկերաքանդակներ և շքեղ զարդաքանդակներ:
Եկեղեցու արևմտյան ճակատը պսակում է «
Խաչելության» խոշոր, բարձրարվեստ պատկերաքանդակը: Շքեղ հարթաքանդակ ունի նաև գավիթը:
Վանքը XIV դ. վերջից դարձել է Աղվանից
կաթողիկոսության աթոռանիստը:
Գանձասարի վանքի Ս. Հովհաննես Մկրտիչ եկեղեցին հյուսիս-արևելքից
Լուսանկար՝ Զավեն Սարգսյանի
