Ս. ԹԱՐԳՄԱՆԻՉՆԵՐ
id188V դ. հայոց գրերի գյուտից անմիջապես հետո ս.
Մեսրոպ Մաշտոցը և ս.
Սահակ Պարթևը հանձն առան
Աստվածաշունչ Մատյանի թարգմանության կազմակերպումը: Դա դժվարին, ծավալուն և հույժ պատասխանատու աշխատանք էր, որին լծվեցին մի շարք բանիմաց ու սրբակյաց
վարդապետներ, ինչպիսիք էին
Եղիշեն,
Եզնիկ Կողբացին և ուրիշներ: Նրանց տքնաջան աշխատանքի շնորհիվ ստեղծվեց
Սուրբ Գրքի գրաբարյան սքանչելի թարգմանությունը: Այնուհետև թարգմանիչները ձեռնամուխ եղան
Եկեղեցու վարդապետների երկերի թարգմանությանը, որը կարևորագույն նշանակություն ունեցավ
Հայ Եկեղեցու և ողջ հայ ժողովրդի համար. ստեղծվեց մայրենի լեզվով ամբողջական հոգևոր գրականություն, որն առ այսօր ապահովում է սերունդների կրթությունը:
Թարգմանության շնորհիվ շատերին հասանելի դարձավ հոգևոր խոսքը, և խիստ մեծացավ բարեկիրթ ու
բարեպաշտ քրիստոնյաների թիվը: Այս պատճառով V դ. նշանավոր թարգմանիչների լուսավոր հիշատակը տոնվում է ս.
Գրիգոր Նարեկացու և ս.
Ներսես Շնորհալու հետ, որոնք նույն գործի մեծ երախտավորներն են:
