Եկեղեցիների առագաստներին հաճախ են պատկերվում
չորս ավետարանիչները կամ նրանց խորհրդապատկերները՝ չորս կենդանիները, որոնց վրա,
ըստ Եզեկիելի տեսիլքի
(Եզեկ. 1.1-28) եկեղեցավանդ մեկնաբանության, բազմած է Սուրբ Երրորդությունը:
Համաձայն ս. վարդապետների՝ այդ չորս կենդանիները խորհրդանշում են նաեւ մարդկային
հոգու հիմնական զորությունները՝ զարդարված համապատասխան առաքինություններով`
խոհեմությամբ, արիությամբ, ողջախոհությամբ
եւ արդարությամբ: