|
ԷՋՄԻԱԾՆԻ Ս. ՀՌԻՓՍԻՄԵ ԵԿԵՂԵՑԻ Կառուցել է Կոմիտաս կաթողիկոսը 618 թ.: Կենտրոնագմբեթ, քառախորան, միջանկյալ 3/4 խորշերով, անկյուններում՝ 4 ավանդատներով եկեղեցի է: Ավագ խորանի տակ գտնվում է 301 թ. նահատակված ս. Հռիփսիմեի դամբարանը:Ս. Հռիփսիմե եկեղեցին իր ճարտարապետության կատարելությամբ այդ տիպի հուշարձանների լավագույն օրինակն է:  Լուսանկար՝ Զավեն Սարգսյանի 1653 թ. տաճարի արևմտյան մուտքի առջև կառուցվել է քառամույթ սրահ, որի վրա 1790-ին հավելվել է զանգակատուն: 1950-ական թթ. պեղումների ժամանակ եկեղեցու որմնամույթերի տակ հայտնաբերվել են որպես խարիսխներ օգտագործված՝ հեթանոսական տաճարի քանդակազարդ խոշոր քարեր: Դրանց այդօրինակ տեղադրությունը խորհրդանշել է քրիստոնեության հաղթանակը հեթանոսության նկատմամբ: |
