|
|
ԴՊԻՐ Այսպես է կոչվում Եկեղեցու նվիրապետության աստիճաններից առաջին 4-ը (դռնապան, ընթերցող, երդմնեցուցիչ, ջահընկալ) ստացած անձը: Ներկայումս Հայ Եկեղեցում ձեռնադրության միջոցով այս աստիճանները շնորհվում են միաժամանակ:Դպիրը եկեղեցական շապիկ է կրում: Նա պարտավոր է բացել և փակել եկեղեցու դուռը, վառել և հանգցնել կանթեղներն ու մոմերը, հնչեցնել զանգերը, կարդալ քարոզներ և ընթերցվածքներ, երգել սաղմոսներ ու շարականներ: Ըստ իրեն տրված շնորհի՝ դպիրն իրավասու է երդմնեցնել դիվահարներին, այսինքն՝ աղոթքով վտարել դևերին: |
