ՆԱԶԱՐԵԹ | ՆԱԽԱԽՆԱՄՈՒԹՅՈՒՆ | ՆԱԽԱՍԱՀՄԱՆՈՒԹՅՈՒՆ | ՆԱՀԱՏԱԿՈՒԹՅՈՒՆ | ՆԱՎԱԿԱՏԻՔ | ՆԱՎՈՒՄ ՄԱՐԳԱՐԵ (մ. թ. ա. VII դ. երկրորդ կես) | ՆԱՐԵԿԱՎԱՆՔ | Ս. ՆԵՂՈՍ ՍԻՆԱՅԵՑԻ (+450) | ՆԵՍՏՈՐԱԿԱՆՈՒԹՅՈՒՆ | Ս. ՆԵՐՍԵՍ ԼԱՄԲՐՈՆԱՑԻ (1153-1198) | Ս. ՆԵՐՍԵՍ ՄԵԾ (մոտ 329-373) | Ս. ՆԵՐՍԵՍ ՇՆՈՐՀԱԼԻ (1102-1173) | Ս. ՆԻԿՈՂԱՅՈՍ ՍՔԱՆՉԵԼԱԳՈՐԾ (+IV դ.) | ՆՇԽԱՐ | ՆՈՅ ՆԱԽԱՀԱՅՐ | ՆՈՐ ԿԻՐԱԿԻ | ՆՈՐ ՎԱՐԱԳԱՎԱՆՔ | ՆՈՐԱՎԱՆՔ | Ս. ՆՈՒՆԵ ԵՎ Ս. ՄԱՆԵ ԿՈՒՅՍԵՐ (IV դ.)

---

id361Գտնվում է Մեծ Հայքի Վասպուրական նահանգի Ռշտունյաց գավառում՝ Վանա լճի հարավային ափի մոտ, Նարեկ գյուղում: X դ. վանքը հիմնադրել են հալածանքների պատճառով Բյուզանդիայից փախած և Հայաստանում ապաստանած հայ վանականները: Վանքի գլխավոր՝ Ս. Սանդուխտ եռախորան, արտաքուստ ուղղանկյուն. գմբեթավոր եկեղեցու հարավային խորանում, համաձայն ավանդության, գտնվում է ս. Սանդուխտի գերեզմանը: Եկեղեցուն արևելքից կից է ս. Գրիգոր Նարեկացու գմբեթավոր մատուռ-դամբարանը, իսկ հարավից՝ Ս. Աստվածածին եկեղեցին:
Նարեկավանքը եղել է գրչության խոշոր կենտրոն: Ծաղկում է ապրել X-XI դդ.՝ Անանիա Նարեկացու և ս. Գրիգոր Նարեկացու օրոք:
Վանքը հիմնովին նորոգվել է 1707 թ.: 1787-ին եկեղեցիներին կից կառուցվել է ընդարձակ գավիթ, որտեղ թաղված է Անանիա Նարեկացին: 1812 թ. գավթի մուտքի առջև կառուցվել է եռահարկ զանգակատուն: 1843-ին նորոգվել են գմբեթները (ճարտարապետներ՝ Սահրատ, Մովսես): Վանքը բարեկարգվել է 1858 թ.: 1884-ին վանքում բացվել է վարժարան, իսկ 1901-ին՝ որբանոց-վարժարան:
Հիմնովին ավերվել է Մեծ եղեռնի ժամանակ: